Мәдәни җомга

Минтимер Шәймиев: “Радик миннән рөхсәт сорап тормады. Мине урыныма утыртырга бер җөмләсе җитте”

Татарстанның Дәүләт Киңәшчесе Минтимер Шәймиев Г. Камал исемендәге Татар дәүләт академия театрының “Әле...” проекты кысаларында биргән интервьюсында уллары белән булган вакыйгалар хакында истәлекләрен яңартты.

- Берсендә Радик миңа, ул вакытта өченче курста укый иде: “Диңгез флотына алалар, әти, мин барам”, ди. Миннән рөхсәт сорап тормады, хезмәт итеп кайтты. Институттан китеп, кайтып тәмамлады.

- Ул чагында чакырылышка егетләр җитми иде. Һәр төбәккә шундый бурыч җиткерелә иде. Без һәрвакыт аны үтәп килдек. Ул чагында мин әле обком секретаре булып эшлим. Мин әйттем Радикка: алалар икән алалар. Ул үзе сайлаган. Ул вакытта Германиядә хезмәт итәләр иде. Яшьләр анда да үтә иде. Син бәлки якынрак җиргә барырсың, дидем. Минем гомер онытасым юк, мине урынга утыртырга бер җөмләсе җитте. “Папа, а кто дальше поедет?”, диде. Бетте.

Айрат белән дә булды шундый хәл. Ул вакытта, бала Суворов училищесына керсә, гаиләнең баланы тотарга мөмкинлеге юк дип санала иде. Бу миңа мин Суворов училищесына керәм, ди. Боларны алдылар укырга. Очраклы рәвештә генә эләкмәде. Аңкау бизе бар иде, без ангина белән авырып гел интегә идек. Бу медицина тикшерүе узарга хастаханәгә барган. Ике бизең дә зур, берсен алганнан соң вакыт кирәк дигәннәр. Ул исә училищега документлар тапшыру вакытына сыешмый. Үз ихтыяҗы белән икенчесен дә алдырган. Моны мин дә, Сәкинә дә белмәде.

 

Хәзер моны алып киттеләр лагерьга. Училищеда тәртибе шундый. Моны “дневальный” иттереп куйганнар да, алыштырырга онытканнар. Бер тәүлек торган булган. Өлкәнрәк хезмәт итүчеләр ник икенче тәүлек торасың дип сорыйлар икән? Белмим, дигән. Син кем, каян килеп чыктың дип сорыйлар монардан. Минем әти шул, шундый эштә эшли дигән. “Син улым, күрәсеңме урамдагы кешеләрне, иректә йөриләр”, ди икән тегеләр. Бу ташлаган да, кайтып киткән.

Мин эшкә җыенып ятам, киендем. Айрат кайтып керде. “Опять двойка” дигән картина бар бит. Бу да шундый кәефсез. Ояла инде миннән. Нәрсә әйтим инде, бала бит. Карадым да моңа: “Отслужил?”. Аннан чыгып киттем эшкә. Айратның шуның белән хезмәт итүе бетте, - дип искә алды Минтимер Шәймиев. 

 

"Шәһри Казан"

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: