КАБАТЛАНСА ИКӘН МИЗГЕЛЛӘР...

Капка төпләрендә газиз генә,

Анам калды озатып артымнан.

Бу төш кебек татлы мизгел,

Кабатланмас башка һичкайчан.

Яннарыңнан кузгалып киткән чакта,

Ярты җаным калды өзелеп.

Капка төптә син әле дә шулай,

Утырасың күк мине сагынып.

Ак яулыгың ябып башкаеңа,

Иминлеген теләп юлларның,

Озаттың син яшьле күзең белән,

Каш өстенә куеп кулларың.

...Синсез хәзер барыр юлларым.

Миләүшә Әхмәтҗанова

Алга