Мәдәни җомга

Казан шәһәре

Көнүзәк мәсьәлә

Укытучы Айнур Сәлахов: Кимсетмәсеннәр өчен татарлар балаларына «нейтраль» исем куша

«Күпчелек балаларның исемнәре европалашкан. Мәсәлән, Гарри», - диде ул.

Тумышы белән Түбән Камадан, хәзерге вакытта Санкт-Петербургта укытучы булып эшләүче Айнур Сәлахов әйтүенчә, мәктәптә, университетта кимсетү булмасын өчен, кайбер татарлар балаларына «нейтраль» исемнәр бирә.

«Мин мәктәптә эшлим, укучыларым арасында, гап-гади Питер гимназиясе булса да, ни гаҗәп, татарлар күп. Күпчелек балаларның исемнәре европалашкан. Мәсәлән, Гарри. Ул баланың татар булуы турында башыма да килмәс иде. Дусларым арасында да шундыйлар бар», - диде ул журналистлар белән очрашуда.

 

 

«Санкт-Петербург-Казан» поездын гына алыйк, кайчан карама, ул һәрчак тулы була. Буш урыннар калмый. Поездга утыру белән татар сөйләмен ишетә башлыйсың һәм «мин инде үз өемдә» дип уйлап куясың», - ди ул.

Айнур Сәлахов җанисәптә үзем татар дип билгеләвен әйтте. Хәзер ул «Мирас» милли-мәдәни үзәгендә актив катнашучы.

«Балачакта бию түгәрәкләренә күп йөрдем. Биергә теләгем бар иде, шуңа күрә «Мирас» үзәгендә биюгә йөри башладым. Инде икенче ел шушы үзәктә. Мондагы егетләр-кызлар белән татар мәҗлесләре, кичәләре үткәрдек. Гомумән, спорт белән бәйле чаралар үткәрергә тырышам. Анда төрле милләт вәкилләре катнаша: азәрбайҗаннар, татарлар, башкортлар», - диде укытучы.

  • Искәртеп үтик, «Татмедиа» АҖ генераль директоры Шамил Садыйков җитәкчелегендә бер төркем Татарстан журналистлары Санкт-Петербургта яшәүче татарлар белән очрашты. Журналистлардан – «Мәдәни җомга» газетасы мөхәррире Вахит Имамов, «Безнең мирас» журналы баш мөхәррире Ләбиб Лерон, «Казан утлары» журналы мөхәррире Рөстәм Галиуллин, «Мәгариф» журналы мөхәррире Сөмбел Таишева, «Миллиард.татар» порталы җитәкчесе Арслан Минвәлиев катнашты.

 

Зилә Мөбәрәкшина

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

1

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев