Мәдәни җомга

Рөстәм Миңнеханов: Исерек машина йөртүчеләргә иң катгый чаралар күрергә кирәк!

Рөстәм Миңнеханов сүзләренчә, төп бурыч – юл-транспорт һәлакәтләрен кисәтү: үсеп килүче буын белән даими агарту эшен оештыру. «Бу эштә балалар бакчалары да, мәктәпләр дә катнашырга тиеш дип саныйм. Бу элементлар һәр мәгариф учреждениесендә булырга тиеш", - диде Татарстан Президенты.

Юл хәрәкәте иминлеген тәэмин итү республикада өстенлекле юнәлешләрнең берсе булып тора. Юллардагы хәлне яхшыртуга юнәлдерелгән тулы бер чаралар комплексы тормышка ашырыла. Бу эшкә республиканың барлык ведомстволары җәлеп ителгән. Бүген бу хакта Татарстан Республикасы Президенты Рөстәм Миңнеханов Татарстан Республикасы Министрлар Кабинеты һәм Татарстан Республикасы буенча ЭЭМ коллегиясенең уртак утырышында хәбәр итте. Утырыш Татарстан Республикасында юл хәрәкәте иминлеген арттыру, юл-транспорт һәлакәтләрен киметү һәм аларның авыр нәтиҗәләрен киметү буенча чараларны гамәлгә ашыруга багышланды.

Рөстәм Миңнеханов ассызыклаганча, юл хәрәкәте иминлеген арттыру, гражданнарның гомерен һәм сәламәтлеген саклау – дәүләт хакимияте органнары алдында торган мөһим бурыч.

Татарстан Президенты юлларны инженер җиһазлауга аерым игътибар бирергә өндәде. «Бу юнәлештә эшне дәвам итәргә кирәк. Хәрәкәт полосаларын бүлү, юл хәрәкәте белән идарә итүнең автоматлаштырылган системаларын үстерү, светофорлар урнаштыру, әйләнә-тирәдәге юл чатларын җиһазлау, шулай ук яктырту җайланмаларын куллану. Бу чараларның барысы да уңай нәтиҗә бирә", - дип ассызыклады ул.

Татарстан Президенты билгеләп үткәнчә, юл-транспорт һәлакәтләренең күбесе юл хәрәкәте кагыйдәләрен тупас бозучы машина йөртүчеләр гаебе белән килеп чыга. Ул гражданнарда машина йөртү культурасын тәрбияләү эшен дәвам итәргә һәм автомәктәпләр эшен контрольгә алырга чакырды. Шулай ук ТР Президенты, легаль булмаган пассажирлар йөртүне бетереп, пассажирлар йөртү буенча цивилизацияле базар булдырырга кушты.

Рөстәм Миңнеханов фикеренчә, иң катгый җәза исерек шоферларга янарга тиеш. «Руль артында исереклек яки наркотик исерек хәлдә йөрү җаваплылыкның иң югары чарасы булып тора. Әлеге категория машина йөртүчеләргә иң катгый чаралар күрергә кирәк", - дип белдерде ТР Президенты.

Җәяүлеләрнең куркынычсызлыгы мәсьәләләре дә аерым игътибар таләп итә. Алар катнашында юл һәлакәтләрен анализлау күрсәткәнчә, мондый юл-транспорт һәлакәтләренең күбесе җәяүлеләр өчен имин шартлар булмауга бәйле. Рөстәм Миңнеханов җәяүлеләр юлл аша чыгып йөри торган урыннарны тиешле җайланмалар белән җиһазландыру эшен дәвам итәргә һәм гражданнар арасында киемдә яктылыкны кире кайтаручы элементлар куллануны популярлаштырырга өндәде.

Быел электр самокатлары зур популярлык казанды. ТР Президенты аларның тротуарлар буенча хәрәкәтен чикләргә, шулай ук аларның тиз йөрүенә чикләүләр кертергә тәкъдим итте.

Юл-транспорт һәлакәтләрендә зыян күрүчеләргә вакытында медицина ярдәме күрсәтү мөһим урын алып тора, дип билгеләп үтте Рөстәм Миңнеханов, шуңа күрә бу системаны алга таба да камилләштерергә кирәк, диде. "Күп очракларда кеше гомере үз вакытында медицина ярдәме күрсәтүдән тора. Төгәл логистика төзергә кирәк. Монда территориаль яктан бүленергә ярамый: вакыйга урынына кайсы медицина учреждениесе якынрак – ул беренче ярдәм күрсәтергә тиеш», - дип игътибарны юнәлтте ТР Президенты.

Рөстәм Миңнеханов сүзләренчә, төп бурыч – юл-транспорт һәлакәтләрен кисәтү: үсеп килүче буын белән даими агарту эшен оештыру. «Бу эштә балалар бакчалары да, мәктәпләр дә катнашырга тиеш дип саныйм. Бу элементлар һәр мәгариф учреждениесендә булырга тиеш", - диде Татарстан Президенты.

ТР Премьер-министры Алексей Песошин билгеләп үткәнчә, агымдагы елда «Имин һәм сыйфатлы автомобиль юллары» илкүләм проекты кысаларында һәм 2020 елга юл эшләре программасы хисабына федераль һәм төбәк әһәмиятендәге автомобиль юлларын төзү, реконструкцияләү, капиталь ремонтлау һәм ремонтлау буенча шактый эш башкарылган.

"Юл-транспорт һәлакәтләренең барлыкка килү сәбәпләре билгеләнде, аларның концентрациясе урыннары, потенциаль куркыныч участоклар, куркыныч зоналары һәм 2019 елда гомуми файдаланудагы автомобиль юлларында булган авыр нәтиҗәләр белән бер үк төрле юл-транспорт һәлакәтләре булган участоклар билгеләнде. Аларны бетерү буенча эшләр башкарылды", - дип хәбәр итте Татарстан Республикасы Хөкүмәте башлыгы.

Кабул ителгән чаралар нәтиҗәсендә республикада 11 ай эчендә юл хәрәкәтендә катнашучыларның куркынычсызлыгына бәйле хәл уңай тенденциягә ия. Алексей Песошин сүзләренә караганда, «2013-2020 елларда юл хәрәкәте иминлеген арттыру» федераль максатчан программасының юл-транспорт һәлакәтләрендә һәлак булган кешеләр, шул исәптән балалар саны буенча фараз күрсәткечләренә ирешелгән. Социаль куркыныч 7,6% тәшкил итә. Бу-Идел буе федераль округында иң яхшы күрсәткеч (10,2).

Утырыш барышында төп нотык белән Татарстан Республикасы буенча эчке эшләр министры Артем Хохорин чыгыш ясады. Ул, аерым алганда, хәбәр иткәнчә, Татарстанда, 2012 ел белән чагыштырганда, юл-транспорт һәлакәтләрендә һәлак булучылар саны 2 тапкырга кимегән. Федераль трассаларда хәл сизелерлек яхшырган, авариянең барлык төп күрсәткечләре дә кимегән.

 

ТР Президенты Матбугат хезмәте

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: