Мәдәни җомга

Казан шәһәре

Көнүзәк мәсьәлә

Гадәттән тыш хәлләр министрлыгы боз кисү һәм каралту кирәк булган районнарны әйтте

17 районда боз тыгылу куркынычы булган 26 участокта һәм өстәмә 35 участокта (9,433 км) боз каралту буенча эшләр башкарылган.

Татарстанның Гражданнар оборонасы һәм гадәттән тыш хәлләр буенча министр урынбасары Николай Суржко боз кисү һәм каралту кирәк булган районнарны әйтте.

Бу түбәндәге муниципаль берәмлекләр:

Арча (Шушма елгасы, Апаз, Хәсәншәех, Көтек);
Биектау (Красная елгасы, Мүлмә торак пункты);
Яшел Үзән районы (Кубня елгасы, Наратлы-Кичү, Зөя елгасы, Соболевское торак пункты, М-7 автомобиль күпере, Зур Өтәк торак пункты, Муллаиле авылы);
Минзәлә районы (Минзәлә шәһәре, Мортыш, Топасево, Салкын Чишмә торак пункты, Минзәлә елгасы);
Менделеевск районы (Тойма елгасы);
Тукай районы (Кече Шилнә авылы, Шилнә елгасы), Теләче районы (Комаровка торак пункты, Кече Мишә елгасы).
«Республика сулыкларында боз тыгылу куркынычы булган барлыгы 63 участок бар. Боз тыгылуны кисәтү максатыннан боз кисү һәм каралту эшләре үткәрелә», — диде Суржко ТР Министрлар Кабинетында гадәттән тыш хәлләрне ликвидацияләү һәм кисәтү, янгын куркынычсызлыгын тәэмин итү буенча комиссия утырышында.

17 районда боз тыгылу куркынычы булган 26 участокта һәм өстәмә 35 участокта (9,433 км) боз каралту буенча эшләр башкарылган.

Николай Суржко әйтүенчә, бүгенгә тиешле күләмнең 41 проценты гына эшләнгән, бу җитәрлек түгел. Әлки, Алексеевск, Югары Ослан, Кайбыч районнарында боз кисү эшләре башкарылган.

Боз каралту эшләренә Әлмәт, Мөслим Баулы, Чүпрәле, Биектау, Алабуга, Кукмара, Лаеш, Мендлеевск, Түбән Кама, Нурлат, Балык Бистәсе, Тәтеш, Чирмешән, Чистай, Ютазы районнары, Яр Чаллы, Казанда әле керешмәгәннәр дә.  

 

Гөлнар Гарифуллина 

«Татар-информ» 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев