Мәдәни җомга

Казан шәһәре

Көн темасы

Рөстәм Миңнеханов Дубайда AIM инвестиция форумы мәйданындагы Татарстан стендын карады

Татарстан Президенты Рөстәм Миңнеханов эш визиты белән Берләшкән Гарәп Әмирлекләренә килде. Визитның төп максаты – ел саен уздырыла торган Annual Investment Meeting инвестицион форумында катнашу.

«Татарстан форум эшендә гадәттәгечә актив катнаша. Быел махсус күргәзмә кысаларында Dubai Exhibition Center күргәзмә үзәге мәйданында республика стенды урнаштырылган", - дип хәбәр итә Татарстан Президентының матбугат хезмәте.

Рөстәм Миңнеханов Татарстан стендын карады. Анда Идел буе Болгар дәүләтендә ислам динен кабул итүгә 1100 ел тулу һәм цифрлаштыру төп темалар буларак тәкъдим ителгән. «Россия-Ислам дөньясы: Kazan Summit 2022» саммиты, IT-парк, Юл хәрәкәте иминлеге Дәүләт бюджет учреждениесе, «Хәләл» цифрлы экосистемасы, Made in Tatarstan, Visit Tatarstan, Invest in Tatarstan кебек экспонентлар урнашкан.

Экспозиция берничә зонадан тора. Үзәктә кунакларны һәм күргәзмәгә килүчеләрне сәламләү урыны эшли. Шулай ук тач-экраннар белән зоналар, сөйләшүләр бүлмәләре һәм татар кухнясы белән лаунж-зона бар.

 

 

"Татар-информ"

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев