Мәдәни җомга

Милли Шура рәисе Уфада Тукай һәйкәленә чәчәкләр салды

Бүген, 28 октябрьдә, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Уфада бөек татар язучысы, шагыйрь һәм тәрҗемәче Габдулла Тукай һәйкәленә чәчәкләр салды. Скульптура “Нур” татар дәүләт театры бинасы каршындагы мәйданда урнаштырылган.

Исегезгә төшерәбез, һәйкәл 2019 елның 18 апрелендә Башкортостан Республикасында Татарстан Республикасы көннәре кысаларында ачылды. Тантанада ике республика җитәкчеләре Радий Хәбиров һәм Рөстәм Миңнеханов катнашты.

Шагыйрьнең сыны бакырдан Мәскәүдә коелган. Биеклеге – 8 метр. Бу – Габдулла Тукайга Башкортстанда куелган беренче һәйкәл. Шагыйрь Уфада 1912 елда булган.

 

 

Татар конгрессы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: