«Сирәк астрономик күренеш»: 17 – 21 март көннәрендә казанлылар Венераның ике тапкыр күренүен күзәтә алачак

Татарстан башкаласында яшәүчеләр 17 марттан 21 мартка кадәр Венера планетасының ике тапкыр күренүен күзәтә алачак. Ул кичке сәгатьләрдә 19:00 дан 20:00 гә кадәр, иртәнге сәгатьләрдә дә – 5:00 тән 6:00 га кадәр күренәчәк. Еш кына планета көннең беренче яки икенче яртысында гына күзәтелә, шуңа күрә март күренеше сирәк була, – дип яза Казан мэриясе.

Мондый сирәк астрономик күренеш бу көннәрдә Җир белән Венераның Кояшка карата үзара торышына туры килүе белән бәйле, дип хәбәр итә КФУ матбугат хезмәте.

Бу көннәрдә планета венериан айлары кебек күренәчәк. Бу күренешне шәһәр халкы аяз күк булганда оптик приборлардан файдаланмыйча күзәтә алачак.

«Кич белән Венера көнбатыш күк ярымсферасында бик яхшы күренә. Бөтен кеше көнбатыш юнәлештә иң якты йолдызларның берсе Венера булуын яхшы белә. Иртән, Кояш чыккач, планетаны күк ярымсферасының көнчыгыш өлешендә күзәтергә мөмкин булачак», – дип хәбәр итте КФУның медиакоммуникацияләр үзәге.

21 марттан соң планета күктә калачак, аны шәһәр халкы ел дәвамында күзәтә алачак. Венераны телескоптан караганда, аның өске, болытлы тыгыз катламын гына күрергә мөмкин.