«Нур» һәм «Тылсым» үзәкләрендә язгы инклюзив сменаларга балалар җыю башланды

«Нур» һәм «Тылсым» инклюзив үзәкләрендә сәламәтлек мөмкинлекләре чикләнгән балалар өчен язгы лагерь сменалары узачак. 7 яшьтән 12 яшькә кадәрге балалар катнашучы була ала, – дип хәбәр итә Казан мэриясе. 

Балалар сменаларга 24-28 март көннәрендә йөриячәк. Программада: нейроиҗат буенча төркемле дәресләр, сенсомотор коррекция элементлары булган гомуми физик әзерлек, логоритмика, нейропсихолог белән очрашулар, вак моториканы һәм ярымшарара бәйләнешне үстерүгә юнәлдерелгән комплекслы күнегүләр.

Балалар өчен шулай ук кулинария буенча мастер-класс, коммуникацион уеннар, рәсем сәнгате һәм адаптив көрәш дәресләре әзерләнде, дип хәбәр иттеләр «Игелекле Казан» АКбОда.

Тулырак мәгълүмат өчен +7(843)558-74-18 телефоны буенча мөрәҗәгать итәргә кирәк.

«Нур» һәм «Тылсым» үзәкләрендә волонтер булырга теләүчеләр добро.рф сайтында гариза бирә алалар.