Казанлылар өчен бушлай күчмә медицина тикшерүе оештыралар

Шимбә көнне, 15 июньдә Казанда яшәүчеләр өчен бушлай күчмә медицина тикшерүе оештырыла. Акция авыруларның башлангыч стадиясендә һәм аларның үсеш факторларын ачыклау өчен уздырыла.

Табиблар анкеталау үткәрәчәк, тән массасы индексын билгелиячәк, электрокардиограмма ясаячаклар, кандагы кислород дәрәҗәсен үлчиячәкләр.

Шулай ук казанлылар күз басымны белә һәм кан анализы нәтиҗәләрен ала алачак. Теләгән кешеләрнең барысын да 20 нче шәһәр поликлиникасы терапевты тикшерәчәк.

Шәһәр халкын 10:00 нан 17:00 гә кадәр Җиңү проспекты, 91 адресы буенча сәүдә үзәгенең беренче катында мәгълүмат стойкасы янында көтәчәкләр. Үзең белән паспорт алырга кирәк, дип ачыклык керттеләр Казанның Совет районы администрациясендә.

Акция «Сәламәтлек саклау» милли проекты буенча үткәрелә.

Элегрәк хәбәр ителгәнчә, сәламәтлекне диспансеризация буенча тикшерергә мөмкин. Моның өчен РФ дәүләт хезмәтләре порталы аша яки яшәү урыны буенча поликлиникада язылырга кирәк. Ел саен тикшерүләр төрле чирләрне ачыкларга мөмкинлек бирә, шул исәптән авыру үзен берничек тә күрсәтмәгәндә, иртә стадиядә яман шешләрне дә.

«Татар-информ»