Казан яшьләрен «Җиңүгә тигезләнү» спартакиадасына чакыралар

Казанда 27 апрельдә хәрби-гамәли спорт төрләре буенча «Җиңүгә тигезләнү» спартакиадасы узачак. Заявкалар кампаниясе старт алды, ярышларда катнашырга шәһәр яшьләрен чакыралар, – дип яза Казан мэриясе.

Спартакиадага патриотик һәм яшүсмерләр клублары, яшьләр хокук саклау оешмалары, югары уку йортлары һәм көллиятләр командалары кушыла ала. Коллектив 10 кешедән: 14 яшьтән 23 яшькә кадәрге сигез егет һәм ике кыздан торырга тиеш. Ярышларга медицина белешмәсе булган катнашучылар кертелә. Конкурс өч этапны күздә тота, катнашу шартлары һәм үткәрү тәртибе турында тулырак мәгълүмат – нигезләмәдә. Призлы урыннарны алган командаларны дипломнар һәм акчалата сертификатлар белән бүләкләячәкләр, дип хәбәр иттеләр балалар һәм яшьләр эшләре комитетында.

Гаризаларны 23 апрельгә кадәр kazankddm@yandex.ru электрон почтасына җибәрергә мөмкин: хат темасына «Җиңүгә тигезләнү» дип язарга кирәк.

Спартакиада 27 апрельдә Казан танк училищесында Оренбург тракты, 6 адресы буенча узачак. Катнашучыларны теркәү 10:00 сәгатьтә башлана һәм 10:50 гә кадәр дәвам итә.

Ярышларны балалар һәм яшьләр эшләре буенча комитет, «Яшүсмер» МБУ һәм Россия хәрби-тарихи җәмгыятенең төбәк бүлеге оештыра.