Яңа туган балаларга Габдрауф, Авель, Дениза һәм Каролина сирәк очрый торган исемнәр биргәннәр

Узган атнада, 10 февральдән 16 февральгә кадәр, Казанда 366 бала туган: 184 малай һәм 182 кыз, – дип хәбәр итә Казан Мэриясе. 

Малайларга Самир, Камил, Әмир, Артем, Тимур, Давид, Максим, Артур, Матвей, Константин танылган исемнәр кушканнар, ә кызларга еш бирелә торган Алисә, Виктория, Мәликә, Дания, Мирослава, Амелия, Дәринә, София исемнәре бирелгән.

Сирәк исемнәр арасында малайларга Габдерәүф, Теодор, Алекс, Замир, Вадим, Авель, Камал, Айрат исемнәре бирелгән, ә кызларны Жасмин, Дениза, Софи, Клара, Вера, Каролина, Айсылу сирәк исемнәре белән атаганнар.

Шул ук чорда 120 пар өйләнешкән, дип хәбәр итә шәһәрнең ГХАТ идарәсе.

Исегезгә төшерәбез, 2024 елда Казанда 19 мең 594 бала туган – бу 2023 ел белән чагыштырганда 1,5% ка күбрәк. Казан Идел буе федераль округында туучылар санының уңай динамикасын саклаучы бердәнбер миллионлы шәһәр булып кала.