Аристарх, Натан, Эйва һәм Эммелина. Казан балаларына кушылган сирәк исемнәр аталды

Узган атнада, 30 нчы октябрьдән 5 нче ноябрьгә кадәр, Казанда 317 бала туган: 160 малай һәм 157 кыз. Туганда иң зур авырлыктагы бала 4530 грамм булган, иң кечкенәсе – 2150 грамм.

Шәһәрнең Гражданлык хәле актларын теркәү идарәсе хәбәр иткәнчә, яңа туган балалар Марк, Радмир, Александр, Әмир, Саминә, Амелия һәм Ралина исемнәре аеруча да яратып кушылган. Аристарх, Натан, Каюм, Радим, Рада, Эйва, Агнесса, Николь, Эмма һәм Эммелина кебек сирәк исемнәр дә куелган.

Шулай ук узган атнада 153 никах теркәлгән.