Аккош-кликун Гоша Казан зооботаник бакчасына урнашкан

Казан зооботаника бакчасының яңа яшәүчесе аккош-кликун була. Гоша исемле канатлыны Чукоткадан алып килгәннәр, ул һөнәри тәрбиягә һәм кайгыртуга мохтаҗ иде.

10 мең км юл үткән кошны табиблар карады. Белгечләр канатлының канын анализларга һәм җенесне билгеләү өчен алганнар, кирәкле препаратлар биргәннәр һәм чистартканнар.

Гошага 21 көнлек карантин узарга кирәк булган, шуннан соң аны зооботаника бакчасының тарихи территориясе күленә чыгарганнар.

Хәзер аккош-кликун огарьлар һәм ниль казлары белән бергә яши. «Яңа күршегә башта шик белән кардылар, әмма хәзер алар инде иң яхшы дуслар булдылар: бергә ашыйлар, йөзәләр һәм бер-берсен яклыйлар», – дип сөйләделәр Казан зооботаника бакчасында.

Искәртеп узабыз, Казан зооботаника бакчасының тарихи өлеше килүчеләр өчен язга кадәр 10 ноябрьдә ябылды. Шул ук вакытта хайваннар үзләренең вольерларында калган, ә киперлар аларны элеккечә карап торалар.

kzn.ru